Ekipi gjerman BIG do të garojë në mungesë të snajperistit të ekipit Florian "syrsoN" Rische në turneun Elisa Masters Espoo në Finlandë.
Florian "syrsoN" Rische nuk do të jetë pjesë e ekipit në Elisa Masters Espoo 2022 pas testimit pozitiv për COVID-19, njoftoi BIG në rrjetin social Twitter.
Vendin e syrsoN për turneun LAN në Finlandë do ta zë Josef "faveN" Baumann, i cili qëndron në stol të ekipit tash e një kohë.
Skuadra gjermane do të fillojë garën në turneun Elisa Masters Espoo me datën 16 nëntor, ku do të zhvillojnë pesë ndeshje në formatin ‘Bo1’.
BIG është pjesë e grupit A, ku do të përballet me ekipe si Sprout dhe ENCE, dhe iu duhet të futen në top treshen e ekipeve më të mira për të kaluar në fazën tjetër.
Ky është formacioni i ekipit BIG për turneun Elisa Masters Espoo 2022:
Johannes "tabseN" Wodarz
Karim "Krimbo" Moussa
Nils "k1to" Gruhne
Elias "s1n" Stein
Josef "faveN" Baumann
/Telegrafi/
