Superkupa e Italisë, formacionet e mundshme

Douglas Costa dhe Lucas Leiva pritet të startojnë për skuadrat e tyre në ndeshjen e Superkupës së Italisë që zhvillohet të dielën mbrëma, ndërmjet Juventusit dhe Lazios në Romë.

Përballja tradicionalisht zhvillohet ndërmjet fituesit të Serie A dhe atij të Kupës së Italisë, mirëpo duke qenë se Juve i ka fituar të dy titujt, atëherë Zonja e Vjetër këtë herë luan kundër finalistit të Kupës.

Massimiliano Allegri ka thënë se i ka tri-katër dyshime, mirëpo ka konfirmuar se Gianluigi Buffon, Paulo Dybala, Mario Mandzukic e Gonzalo Higuain, do të jenë në ekipin bazë.

Lazio e ka në dyshim Felipe Andersonin, ndërsa dëshira e Keita Balde Diaos që të shkojë te Bianconerët mund të ndikojë në fokusimin e tij.

Portieri shqiptar, Thomas Strakosha, pritet ta nisë ndeshjen në portë nga minuta e parë.

Më poshtë jua sjellim formacionet e mundshme:

Njëmbëdhjetëshi i Juventusit: Buffon; Lichtsteiner, Barzagli, Chiellini, Alex Sandro; Pjanic, Marchisio; Douglas Costa, Dybala, Mandzukic, Higuain

Banka rezervë e Juventusit: Szczesny, Pinsoglio, De Sciglio, Benatia, Rugani, Asamoah, Khedira, Sturaro, Bentancur, Bernardeschi, Cuadrado, Kean

Njëmbëdhjetëshi i Lazios: Strakosha; Wallace, De Vrij, Radu; Basta, Parolo, Lucas Leiva, Lulic; Milinkovic-Savic, Luis Alberto; Immobile

Banka rezervë e Lazios: Vargic, Guerrieri, Hoedt, Luiz Felipe, Lukaku, Marusic, Patric, Di Gennaro, Murgia, Crecco, Keita, Lombardi, Caicedo.

/Telegrafi/