Suedia është një hap më afër anëtarësimit në NATO

Presidenti turk, Recep Tayyip Erdogan nënshkroi ratifikimin e kandidaturës suedeze për anëtarësim në NATO, e cila u miratua nga parlamenti, bëhet e ditur në gazetën zyrtare të Turqisë.

Parlamenti i Turqisë mbështeti pranimin e Suedisë në një votim të martën. Hungaria është tani i vetmi aleat i NATO-s që nuk e ka ratifikuar pranimin e Suedisë.

Turqia ka vonuar miratimin e anëtarësimit të Suedisë për më shumë se një vit, duke e akuzuar vendin se është shumë i butë me organizatat që Ankaraja i konsideron terroriste.

Ajo ka kërkuar lëshime nga Stokholmi, duke përfshirë lëvizjet për të luftuar militantët, raporton aa.

Erdogan e lidhi ratifikimin e anëtarësimit të Suedisë në NATO me miratimin e Kongresit Amerikan të kërkesës së Turqisë për të blerë 40 aeroplanë dhe pajisje të reja luftarake F-16 për të modernizuar flotën ekzistuese të Turqisë.

Ai gjithashtu i bëri thirrje Kanadasë dhe aleatëve të tjerë të NATO-s që të heqin embargon e armëve ndaj Turqisë.

Zyrtarët e administratës amerikane thanë se presin veprime relativisht të shpejta për shitjet e F-16 pas ratifikimit. /Telegrafi/