Stupcat po vazhdojnë të sjellin skeçe të reja që për tematikë kanë jetën e përditshme të shqiptarëve.
“Ministria e Kosovës” është episodi i ri i grupit të humorit, në një seri prej disa që do të dalin gjatë javëve në vazhdim.
Osman Azemi, Mensur Safqiu dhe Vedat Bajrami edhe këtë herë vijnë me role të reja dhe mjaft të veçanta, ku flasin për aktualitetin e ditëve të sotme.
Bajrami vjen si një ndër aplikantët për punësim, Azemi si i punësuar në ministri që i ndihmon një “tezaku” që të punësohet në qeveri gjersa Safqiu në rolin e ministrit.
Më regji të Genc Berishës dhe skenar të vetë aktorëve, këto skeçe po priten mjaft mirë nga publiku dhe fansat e shumtë të tyre, të cilët mezi prisnin rikthimin e grupit.
Për më tepër shikojeni videon e mëposhtme. /Telegrafi/
