Stuhia ka krijuar kaos në Bosnjë dhe Hercegovinë, pamjet janë të pabesueshme – ndërkohë që Serbia po përgatitet për përmbytje

Era e stuhishme, stuhitë dhe reshjet e dendura të shiut kanë krijuar probleme të mëdha në disa zona në Bosnjë dhe Hercegovinë.

Sipas mediave lokale, ka edhe shtëpi të dëmtuara dhe disa rrugë janë të mbyllura për trafikun, përcjell Telegrafi.

Kështu, alarmi i kuq meteorologjik është në fuqi në pjesën më të madhe të Bosnjë-Hercegovinës.

Veç kësaj, raportohet se një erë e fortë ka marrë pjesë nga çatitë e shtëpive dhe ka thyer pemët.

Shpejtësia e erës ishte rreth 80 kilometra në orë dhe për këtë arsye qytetarët janë paralajmëruar të kenë kujdes.

Madje në rrugën Konjic – Mostar, “lumi rrjedh përgjatë rrugës”.

Gjegjësisht, përroi ka dalë nga rruga kryesore dhe qytetarët që kanë depërtuar atë rrugë thonë se përroi bart çdo gjë para tyre dhe se në rrugë ka shumë degë dhe pemë të thyera.

Gjithashtu, rrëshqitja e dheut ka ndërprerë qarkullimin ndërmjet Jabllanicës dhe Parkut Natyror Blidinje.

Në terren ka ekskavatorë, të cilët përpiqen të pastrojnë një pjesë të rrugës që të kalohet.

Ndërkohë siç bëjnë të ditur mediat serbe, alarmi meteorologjik i kuq është në fuqi edhe në Serbi, që nënkupton mot shumë të rrezikshëm dhe vlen për Serbinë perëndimore, ndërsa ai portokalli për Beogradin dhe disa pjesë të tjera të vendit. /Telegrafi/