Statistikat për 2021 – sa u dëgjuan artistët shqiptarë sivjet në Spotify?

Duke qenë se ka ngelur vetëm një muaj për ta përmbyllur vitin 2021, edhe sivjet u mblodhën të arriturat e sukseset e artistëve shqiptarë në bazë të statistikave të publikuara.

Përveç YouTube, kohëve të fundit edhe platforma Spotify ka zënë një vend të veçantë dhe është bërë një mjet shumë i rëndësishëm për këngëtarët.

Disa prej estradës shqiptare kanë ndarë së fundmi përmes rrjeteve sociale sukseset që kanë arritur në Spotify gjatë 2022.

Të njëjtit tregojnë se sa njerëz kanë dëgjuar këngët e tyre dhe në sa qytete apo shtete janë transmetuar ato.

Dafina Zeqiri, Ardian Bujupi, Butrint Imeri dhe Bardhi kanë publikuar shifrat e këtij viti, për të cilat janë njëkohësisht shumë të lumtur.

Lexo po ashtu Të gjitha lajmet nga Estrada Shqiptare

Dafina Zeqiri ka arritur një milion dëgjues në 160 shtete të ndryshme të botës, Ardian Bujupi ka kaluar shifrën e 5.2 milionë dëgjime në plot 172 vende, Butrint Imeri me 1.8 milion dëgjues në 165 vende dhe Bardhi ka grumbulluar 689.9 mijë dëgjues në 136 vende.

“Veç akoma nuk ka përfunduar 2021”, “2021”, “Faleminderit, e vlerësoj. Ju dua”, kanë qenë disa prej reagimeve. /Telegrafi/