Sport Futboll Ndërkombëtare

Statistika, analizë dhe parashikim: Manchester United – Liverpool

Sot, të gjithë sytë e futbolldashësve do të shikojnë kah “Old Trafford”. Për 90-të minuta bota ndalet pasi që miliona njerëz do të jenë nën ethet e kësaj ndeshje të madhe. Manchester United do të mirëpres Liverpoolin në klasiken e futbollit anglez.

Vendi: Manchester, Old Trafford
Koha: 10 mars (e diele), 13:30

**Old Trafford ka kapacitet prej ‎76,962 ulësesh**

Lajmet rreth ekipeve

Manchester United

Jose Mourinho ka konfirmuar se Marouane Fellainin do ta ketë në dispozicion pas më shumë se një muaj shkaku i lëndimit të gjurit. Por, menaxheri i Manchester Unitedit nuk dihet nëse do të startoj me belgun kundër Liverpoolit.

Ander Herrera, Marcos Rojo, Daley Blind dhe Phil Jones mbeten të përjashtuar nga skuadra, ndërsa Anthony Martial është një dyshim pas një paraqitje të dobët në fitoren 3-2 ndaj Crystal Palacet.

Eric Bailly mund të jetë në formacionin bazë që nga nëntori pasi trajneri portugez ishte ankuar të hënën në Victor Lindelofin dhe Chris Smallingun. Luke Shaw mund të filloj para Ashley Youngut në krahun e majtë të mbrojtjes.

Jesse Lingard, Juan Mata dhe Marcus Rashford do luftojnë për një vend në sulm nëse Mourinho vazhdon me formacionin 4-3-3 kundër Liverpoolit.

**Lojtarët e dyja ekipeve që pritet të mungojnë**

Liverpool

Andrew Robertson nuk luajti në barazimin pa gola kundër Portos të martën në mbrëmje dhe mbetet në dyshim për ndeshjen me Manchester Unitedin.

Jordan Henderson pësoi një lëndim të vogël në mesjavë, por Jurgen Klopp është optimist se do të jetë në gjendje të paraqitet këtë fundjavë.

Virgil van Dijk, Trent Alexander-Arnold, Alex Oxlade-Chamberlain dhe Mohamed Salah do të kthehen në formacionin bazë në Old Trafford pas ndeshjes së Ligës së Kampionëve, ku qëndruan në stol.

Georginio Wijnaldum dhe Nathaniel Clyne nuk janë të përgatitur qind për qind dhe nuk dihet nëse do të jenë nën urdhrat e gjermanit.

Kush mund të jetë lojtari i ndeshjes?

A e dini se…?

Man Utd ka fituar 12 nga 15 ndeshjet e fundit të tyre kur kanë luajtur si vendas (Premier League).

Man Utd kanë barazuar në katër ndeshjet e fundit kundër Liverpoolit në të gjitha garat.

Liverpool ka fituar tetë nga dhjetë ndeshjet e fundit (Premier League).

Man Utd ka ka shënuar dy gola e më pak në gjashtë ndeshjet e fundit kundër Liverpoolit në të gjitha garat.

Liverpooli ka shënuar të paktën dy gola në 11 nga 12 ndeshjet e fundit (Premier League).

United ka shënuar së paku dy gola në tre ndeshjet e fundit si vendas (Premier League).

Liverpooli është i pamposhtur në pesë ndeshjet e fundit kundër Man Utd në të gjitha garat.

Vlerësimi i lojtarëve deri në xhiron e 29 të Ligës Premier dhe formacionet e mundshme

Analizë

Fituesi i kësaj ndeshje mund të vendos edhe se kush do të përfundon në vendin e dytë në Ligën Premier.

Manchester United janë dy pikë përpara Liverpoolit, ku ky i fundit është i pamposhtur në shtatë ndeshje në të gjitha garat dhe në pesë prej këtyre ndeshjeve, nuk ka pësuar gol.

Momenti është në anën e Jurgen Kloppit para takimit të së shtunës dhe do të dëshirojë të përmirësojë rekordin kundër Unitedit, pasi ka fituar vetëm një nga gjashtë takimet e mëparshme kundër Djajve të Kuq.

Mourinho nuk ka arritur të fitojë në pesë ndeshjet e fundit kundër Reds dhe një pikë do të jetë e mjaftueshme për të qëndruar në vendin e dytë të ligës elitare angleze.