Spiunohet BMW X5 2018 (Foto)

Gjenerata e tretë e BMW X5 është prezantuar përafërsisht tre vjet më parë, duket se do ta ketë jetën e shkurtër pasi modeli i gjeneratës së katërt sapo është fotografuar për herë të parë.

Ky prototip është fotografuar gjatë testimit në kohë të ftohtë.

Prototipi ishte shumë mirë i kamufluar, ndërsa duket sikur evolucion i tipit të tanishëm, pasi ka të njëjtën madhësi dhe formë të crossover, transmeton koha.net.

Dhe, kjo nuk është surprizë e madhe, pasi kompania nuk dëshiron të luajë me këtë model, sepse X5 është njëri nga modelet më të shitura të BMW.

Por, ky model në vend se të ketë një dizajn të ngjashëm, gjenerata e ardhshme e X5, do të ketë një platformë të re e cila është inspiruar nga modeli i ri i X3 e deri te X7.

Kjo platformë e re do të përdorë kombinime të aluminit dhe çelikut të kualitetit të lartë, kështu që pritet të jetë shumë më i lehtë se modelet e tanishme të këtij modeli.

Ende është vështirë të kuptohet se çfarë motori do të ketë kjo veturë, por sipas disa spekulimeve, do të ofrohen tre tipa të motorëve, njëri me katër cilindra, tjetri gjashtë dhe tjetri me tetë cilindra.