Spitali i Përgjithshëm në Pejë ka pranuar si donacion 30 shtretër për pacientët, një ndihmë e rëndësishme që do të përmirësojë kushtet e trajtimit.
Këtë lajm spitali e ka bërë të ditur përmes një postimi në Facebook, ku ka falënderuar donatorët për kontributin e tyre.
Spitali i Përgjithshëm në Pejë ka shprehur mirënjohje të thellë dhe vlerësim të madh për këtë akt bujarie, duke theksuar rëndësinë e ndihmës së ofruar.
Spitali i Pejës ka pranuar si donacion 30 shtretër për pacientët/ Foto Spitali i Përgjithshëm Pejë, facebook
"Falënderojmë nga zemra Don Lorenc Sopin, z. Daniel Thomas dhe Shtetin Zviceran për këtë donacion të vyer, i cili do të kontribuojë në përmirësimin e kushteve për pacientët tanë dhe në krijimin e një mjedisi më të mirë shëndetësor për të gjithë", kanë shkruar ata transmeton Telegrafi.
Donacioni erdhi si rezultat i iniciativës së famullitarit të Kishës Katolike 'Shën Katarina' në Pejë, Don Lorenci Sopii, i cili pas një bisede me Drejtorin Ekzekutiv të spitalit, Fazli Shala, siguroi mbështetjen e Daniel Thomas dhe Shtetit Zviceran.
