Spektakël nga James dhe Irving, Durant triumfon ndaj ish-skuadrës (Video)

Nuk ka ndalesa marshimi i Golden State në kampionat, me Warriors që fituan 130-114 në fushën e Oklahomës, duke treguar forcën e tyre edhe ndaj një ekipi pretendent.

Më i miri në fushë për miqtë ishte Durant, që rikthehej në “shtëpinë” e tij, ku luante deri vjet, duke realizuar 34 pikë, mbështetur edhe nga Curry e Thompson, me nga 26 pikë secili.

Për Oklahomën u dallua i zakonshmi Westbrook, autor i 47 pikëve e 11 kërcimeve, por i vetëm nuk mund të ndalte Golden State.

Me fitore kundërpërgjigjet edhe Cleveland në Lindje, me kampionët që mundën 125-109 Denver. James dhe Irving realizuan nga 27 pikë në këtë triumf, një dyshe që bëri diferencën në parket, duke mbajtur Cavaliers në krye të renditjes në këtë kah të NBA-së.

https://www.youtube.com/watch?v=RZjEH4hKiMQ

Fiton edhe Milwaukee, që mposhti pa shumë probleme 116-100 Indiana (Antetokounmpo 20 pikë).

Fitore surprizë e Philadelphia, që mposhti 117-109 Miami, që pëson një ndalesë të fortë në rrugën drejt play off-it.

Shtatë lojtarë të Philadelphia realizuan mbi 11 pikë, me Covington, Noel e Saric që realizuan nga 19 pikë secili.

Fiton edhe Dallas, që mundi 112-80 Orlando, sfidë e dominuar nga vendasit, me Matthews që e mbylli ndeshjen me 20 pikë, më i miri në fushë. Një tjetër ndeshje magjike e James Harden, që realizoi 40 pikë në fitoren 133-102 që Houston arriti ndaj Phoenix.

https://www.youtube.com/watch?v=9VMQjUMzztY

“Mjekra” konfirmohet si një nga kandidatët për trofeun “MVP”. Fitore të rëndësishme jashtë fushe korri edhe ekipi i Clippers, që mundi 107-102 Charlotte. Crawford me 22 pikë e Griffin me 20 u dalluan për kalifornianët. Fiton edhe Bostoni, që mundi 112-104 Utah Jazz në fushën e këtij të fundit (Thomas 29 pikë).

Charlotte – Clippers, 102-107
Indiana – Milwaukee, 100-116
Cleveland – Denver, 125-109
Philadelphia – Miami, 117-109
Oklahoma – Golden State, 114-130
Dallas – Orlando, 112-80
Houston – Phoenix, 133-102
Utah Jazz – Boston, 104-112