Ndeshje fantastike është zhvilluar në palestrën 'Minatori' në Mitrovicë, ku përballë njëra tjetrës ishin dy skuadrat rivale Trepça dhe Prishtina.
Ka qenë një ndeshje spektakolare, e cila solli fituesin vetëm pas vazhdimeve.
Trepça dominoi në tre çerekët e parë, por në të fundi Prishtina luajti më mirë dhe ndeshja shkoi në vazhdimeve pasi rezultati ishte 80:80.
Në vazhdimeve vendasit ishin shumë më të mirë të cilët fituan me rezultat 14:10 dhe në fund me 94:90 triumfuan në këtë takim.
Drilon Hajrizi ishte fantastik në këtë sfidë me 21 pikë, tetë kërcime e nëntë asistime, derisa me lojë të mirë u dallua edhe Amin Hot me 15 pikë si dhe Gordon që shtoi 15 të tjera, por që pati edhe 10 kërcime.
Tek skuadra mysafire më efikasi ishte Burke me 16 pikë.
Pas kësaj fitore Trepça merr pozitën e parë në Superligë me 34 pikë, dy më shumë se Ylli që ka dy takime më pak të zhvilluara. /Telegrafi/
