Zyra e Prokurorit të Specializuar ka dorëzuar më 28 qershor listën e 12 dëshmitarëve të tjerë që do të thirren në çështjen gjyqësore Thaçi dhe të tjerë.
Këtë e bëri të ditur, Angela Griep, shefe për Informim dhe Komunikim me Publikun në Dhomat e Specializuara të Kosovës (DhSK), përmes informimit javor të DhSK-së për medie në platformën ‘zoom’, të enjten, raporton ‘‘Betimi për Drejtësi’’.
‘‘Më 28 qershor Prokuroria dorëzoi listën e 12 dëshmitarëve të tjerë që do të thirren në çështjen gjyqësore Thaçi dhe të tjerë’’, tha ajo.
Griep tha se lista përmban edhe dëshmitarë rezervë dhe se prokuroria theksoi se ka zvogëluar kohën e parashikuar që duhet për të marr në pyetje tetë prej këtyre dëshmitarëve.
‘‘Emrat e dëshmitarëve janë dorëzuar si pjesë e një shtojce konfidenciale’’, shtoi e njëjta.
Po ashtu, ajo tha se seancat gjyqësore në çështjen Thaçi dhe të tjerë nisin javën e ardhshme duke filluar nga 9 korriku, nga ora 09:00.
Ndërkaq, për çështjen gjyqësore të Pjetër Shalës, e njëjta informoi se seancat në këtë çështje janë mbajtur të hënën dhe të martën e kësaj jave.
‘‘Dy ekspertë mjeko-ligjor dhanë dëshminë pa masa mbrojtëse dhe kryesisht në seancë publike. Ata ishin dëshmitari i nëntë dhe i dhjetë të thirrur nga Prokuroria për këtë çështje gjyqësore. Dëshmitarëve iu drejtoi pyetje Prokuroria, mbrojtja, mbrojtësi i viktimave dhe gjykatësit’’, tha ajo.
Në vazhdim, Griep tha se sipas urdhrit me gojë të 16 qershorit në të cilin trupi gjykues caktoi disa data të synuara, Prokuroria pas dëshmisë së dëshmitarit të fundit pritet të përfundojë paraqitjen e provave të veta sot, më 6 korrik.
‘‘Më pas, në varësi të rezultatit të ndonjë mocioni prej mbrojtjes për rrëzimin e akuzave, 21 gushti është data në të cilën synohet fillimi i paraqitjes së provave nga mbrojtësi i viktimave nëse dëshiron’’, shtoi ajo lidhur me këtë.
Së fundi, e njëjta tha se trupi gjykues caktoi 18 shtatorin si datën në të cilën synohet të fillojë paraqitja e provave nga mbrojtja.
Griep tha se seancat në çështjen Shala përfunduan për këtë javë dhe priten të rifillojnë më 21 gusht 2023 në orën 09:30.
Promo
Reklamo këtuLufta Prigozhin - Putin
Më shumëKu dhe si i gjeti policia kamerat në veri?
Mandl: Shkuarja e Borrellit nga pozita e shefit të diplomacisë së BE-së, në favor të Kosovës
Murati: Nga 1 korriku nis subvencionimi i policës kufitare për mërgatën
Policia largon një flamur serb me mbishkrimin Rusia si dhe ua largon bluzat provokuese serbëve në Gazimestan
BE shpreh keqardhje për ndalimin e festivalit “Mirëdita, dobar dan”, por nuk e dënon aktin e Qeverisë serbe
Kryeministri serb, Vuçeviq: Shpërfillja, përgjigja më e mirë për organizatorët e “Mirëdita, dobar dan”
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Gjashtë emrat që mund ta zëvendësojnë Bidenin si kandidatë të demokratëve për president
Çfarë do të ndodhte nëse Biden do të vendoste të tërhiqej nga gara për president?
Ku dhe si i gjeti policia kamerat në veri?
Njeriu më i zgjuar në botë: Kështu jeton Christopher Langan i cili është personi më inteligjent në planet
Morën vendime të gabuara, dy gjyqtarë largohen nga Euro 2024
Nagelsmann bëhet i pamëshirshëm, pritet ta largojë nga formacioni superyllin për ndeshjen ndaj Danimarkës