Spanja nuk e njeh fitoren në Euro 2020, ndalet edhe nga Polonia

Kombëtarja e Spanjës nuk ka arritur më shumë se një barazim 1-1 ndaj Polonisë në ndeshjen e dytë të Grupit E në kuadër të Euro 2020.

Ekipi i Luis Enriques e ka dominuar ndeshjen ndaj polakëve të Paulo Sousas, por nuk ka arritur ende ta shijoj fitoren, pasi u ndal me barazim.

Pjesa e parë e ndeshjes u karakterizua me dominim të spanjolleve, të cilët krijuan shumë raste dhe gjeten edhe një gol.

Goli i vetëm në këtë pjesë erdhi në minutën e 25-të dhe ishte Alvaro Morata, i cili shënoi për 1-0 pas asistimit të Gerard Morenos.

⏸️ HALF-TIME ⏸️

🇪🇸 Morata goal puts Spain in front
🇵🇱 Superb Simón stop denies Lewandowski

Who's scoring next? 🤔#EURO2020

— UEFA EURO 2024 (@EURO2024) June 19, 2021

Në pjesën e dytë, përsëri ishte Spanja skuadër më e mirë, më kërkuese, duke krijuar më shumë, por Polonia gjeti golin e parë duke ia vështirësuar gjërat.

Ishte sulmuesi Robert Lewandowski (54’), i cili shënoi me kokë për 1-1 pas asistimit të Kamil Jozwiak.

Spanja pati një mundësi ideale në minutën e 58-të për t’u kthyer në epërsi, por goditja e Morenos nga penalltia u ndal nga shtylla, ndërsa Morata nuk qëlloi pas topit të kthyer.

Deri në fund të ndeshjes, iberikët nuk u ndalen së sulmuari, duke krijuar edhe disa raste tjera, por pa arritur ta gjejnë rrjetën dhe ndeshja u mbyll baras 1-1.

⏰ RESULT ⏰

🇪🇸🆚🇵🇱 Spain and Poland share the points in Seville

⚽️ Morata scores his 20th goal for La Roja
👏 Lewandowski heads Poland level
🚫 Gerard Moreno hits post with penalty

Fair result? 🤔#EURO2020

— UEFA EURO 2024 (@EURO2024) June 19, 2021

Pas këtij barazimi, Spanja e sheh veten në pozitën e tretë me dy pikë, ndërsa Polonia zë vendin e fundit me një pikë.

Në ndeshjen e fundit të grupit, Spanja luan ndaj Sllovakisë, ndërsa Polonia kundër Suedisë. /Telegrafi/

https://twitter.com/Sergiocoentrao/status/1406332846810320898

https://twitter.com/TrashTalkMVP/status/1406344443305902085

https://twitter.com/Sergiocoentrao/status/1406345744991272970