Spalletti arrin marrëveshje, pritet ta pasojë Mancinin si trajner i Italisë

Luciano Spalletti ka arritur një marrëveshje me Federatë Italiane të Futbollit (FIGC), por avokatët janë ende duke punuar për klauzolën e tij të lirimit nga Napoli dhe një vendim përfundimtar do të merret të premten.

Trajneri i fundit fitues i Serie A është kandidati kryesor për të zëvendësuar Roberto Mancinin në krye të Azzurrëve pasi Mancio dha dorëheqje papritur javën e kaluar.

Spalletti u largua nga Napoli pasi udhëhoqi skuadrën drejt një Scudetto historike në sezonin 2022/23 dhe ka një klauzolë lirimi me vlerë rreth 3 milionë euro.

Lexo po ashtu Pesë emrat që janë zëvendësues potencial të Mancinit te Italia

Presidenti Aurelio De Laurentiis ka këmbëngulur se ai nuk do të lejojë që Spalletti të ndërpresë kontratën e tij nëse nuk përputhet klauzola e lirimit.

Sipas Sky Sport Italia, avokatët e FIGC po studiojnë dokumentet për të parë nëse është e mundur të merret trajneri i lindur në Certaldo pa paguar kompensim për Napolin.

Spalletti in Nazionale, la Figc non molla: venerdì la decisione. Le news LIVE: La Figc insiste per affidare la panchina della Nazionale a Spalletti: venerdì sarà il giorno della decisione. Resta il nodo della clausola dopo il duro comunicato di De… https://t.co/pq6VLjzmjK pic.twitter.com/OxD6wW1Zse

— sportlive (@sportli26181512) August 16, 2023

Ata argumentojnë se Azzurrët nuk do të ishin konkurrentët e Napolit, kështu që klauzola e lirimit të Spallettit mund të anashkalohet.

De Laurentiis mendon ndryshe dhe ka të ngjarë të fillojë një betejë ligjore me federatën nëse ata marrin Spallettin pa paguar asnjë qindarkë për Napolin.

Sipas Sky Sport, FIGC do të marrë një vendim përfundimtar për Spallettin deri të premten, ndërsa trajneri italian tashmë ka rënë dakord për pagën e tij dhe anëtarët e mundshëm të stafit. /Telegrafi/