Sot pesë ndeshje në Superligën e Kosovës, spikasin ndeshjet në ‘Riza Lushta’ dhe ‘Rexhep Rexhepi’

Sot na presin pesë ndeshje në kuadër të Vala Superligës, të cilat pritet të jenë shumë interesante.

Përtej rivalitetit mes skuadrave, ndeshjet do të zgjojnë interes edhe për shkak të plasmanit të ekipeve në tabelë.

Kjo pasi që ekipet janë shumë afër njëra-tjetrës dhe varësisht prej rezultateve të nesërme, tabela mund të pësojë ndryshime në të gjitha pozitat.

Vështirë të gjendet një kryendeshje mes asaj në Mitrovicë dhe Drenas.

Kampioni Trepça ’89 pret Llapin prej 15:30, ndërsa në orar të njëjtë takohen edhe Prishtina e Feronikeli në “Rexhep Rexhepi” të Drenasit.

Sfidë mes klubeve me histori zhvillohet në Gjakovë, ku Vëllaznimi pret Besën.

Ndërkohë, në Prizren prej 13:30, Liria sfidon Drenicën. Në kryeqytet Flamurtari takohet me Vllazninë e Pozheranit.

Më poshtë e keni orarin e plotë të ndeshjeve dhe klasifikimin e skuadrave para xhiros së shtatë.  /Telegrafi/

Xhiro 7

E mërkurë

13:30 Liria – Drenica

15:30 Trepça ’89 – Llapi

15:30 Prishtina – Feronikeli

15:30 Vëllaznimi – Besa

15:30 Flamurtari – Vllaznia