Sot finalja e Kupës së Kosovës – Feronikeli për histori, Trepça ’89 për garat evropiane

Sot (e premte) do të zhvillohet finalja e madhe e Digitalb Kupës së Kosovës në mes të Trepçës ’89 dhe Feronikelit.

Stadiumi i kryeqytetit ‘Fadil Vokrri’ do të jetë nikoqir i përballjes finale në mes të kampionit, Feronikelit, dhe Minatorëve.

Lexo po ashtu Mësohet shuma se sa do të fitojë klubi që triumfon në finale të Kupës së Kosovës

Kjo përballje do të zhvillohet me fillim nga ora 20:45 nën dritën e reflektorëve dhe pritet të ketë interesim të madh.

Kampioni i këtij sezoni, Feronikeli do të hyjë në këtë ndeshje për të fituar trofeun e dytë sezonal, pasi fitimi i Kupës do ta bënte ekipin e dytë më të trofeshëm në Kosovën e pasluftës.

Në anën tjetër, edhe mitrovicasit kanë motivim të madh për të fituar Kupën pasi një fitore do t’i dërgonte në garat evropiane.

Lexo po ashtu Prishtina ka edhe një mundësi tjetër për të dalë në garat evropiane

Në rast se klubi drenicas fiton trofeun atëherë në Ligën e Evropës do të shkonte Prishtina si nën-kampion, ndërsa Feronikeli do luante në kualifikimet e Ligës së Kampionëve.

FFK ka njoftuar opinionin se pas orës 15:00 do të nisë shitja e biletave për këtë finale, ndërsa çmimet e biletave janë: Lindje dhe Perëndim nga 3 euro, derisa tribuna VIP, 5 euro.

Drenas: Pika e shitjes në rrugën “Shaban Shala Nr.43”, info: Donika Prenku 049700790

Prishtinë: Pika e shitjes në rrugën “Perandori Justinian” nr.16: info: Gresa Jasiqi 049700490

Mitrovicë: Pika e shitjes në rrugën “Bulevardi Shemsi Ahmeti 24”. info: Alban Konjusha 049700878

/Telegrafi/