Sonte Rahoveci – Peja, mungon Rundles, Alban Veseli dhe Besnik Sharku në dyshim

Rahoveci dhe Peja do të zhvillojnë duelin e dytë brenda tri ditësh, kësaj radhe duelin e rregullt të javës në Superligën e Kosovës në basketboll.

Dueli do të zhvillohet nga ora 18:45 në palestrën “Shani Nushi” në Gjakovë.

Në këtë duel mungon sigurt Cameron Rundles i cili është i dëmtuar dhe është konfirmuar se nuk do të luaj, teksa Alban Veseli u lëndua në minutën e parë të duelit me Rahovecin të premtën e nuk pritet të luajë për shkak të dëmtimit në nyje.

Todorov pritet ta pushojë Veseli pas kalendarit me ndeshje të ngjeshura kur dihet se në mesjavë është dueli i Ligës Ballkanike ndaj Teodos.

Në parket për Pejën mësojnë burimet e Telegrafit do të kthehet Miljanic, malazezi i cili nuk luajti në dy ndeshjet e fundit, teksa krahas tij sonte luajnë edhe të gjitha lojtarët tjerë.

Rahoveci është i prekur po ashtu nga lëndimet, ku Altin Morina është jashtë së paku edhe një muaj, teksa kapiteni Besnik Sharku është në dyshim dhe ka pak gjasa që të luaj në duelin ndaj Pejës.

Pritet të zhvillohet një duel interesant ku i gjithë presioni është mbi skuadrën e Pejës që të triumfojë dhe të vazhdojë ngjitjen në tabelë në mënyrë që të arrihet Prishtina dhe të sigurohet tereni vendas për playoff, teksa tashmë Rahoveci ka siguruar mbijetesën dhe është komod në vendin e gjashtë. /Telegrafi/