Sondazhi nga Pyper: 54% e qytetarëve mendojnë se 10% i Trustit nuk do t’i ndihmonte ata të kalojnë krizat financiare të pandemisë

Pyper, si platformë e specializuar për matjen e opinionit publik, në bashkëpunim me emisionin “Debat Plus” që transmetohet në RTV Dukagjini, ka vazhduar me sondazhin e radhës që lidhet me kizën financiare të shkaktuar nga pandemia COVID-19.

Më shumë qytetarë të anketuar (54%) nuk mendojnë se tërheqja e 10% të kursimeve pensionale do t’i ndihmoj ata të kalojnë krizat financiare si shkak i COVID-19, derisa 46% mendojnë se tërheqja e këtyre mjeteve do t’i ndihmonte ta kalonin krizën.

Pjesa dërmuese e qytetarëve të anketuar (74%) mendojnë se tërheqja prej 10% e kursimeve pensionale duhet të rimbursohet nga shteti, derisa 26% e tyre mendojnë të kundërtën.

56% e qytetarëve mendojnë se Ligji për rimëkëmbjen ekonomike do t’i ndihmonte edhe qytetarët që kanë qenë pjesë e ekonomisë jo formale, derisa 44% mendojnë se ky ligj nuk i ndihmonë këta punëtorë.

Më shumë se gjysma e qytetarëve (67%) mendojnë se shuma prej 100 milionë eurove e projektuara për rimëkëmbje ekonomike nuk do të shkojë në destinacionin e duhur, derisa pjesa tjetër kanë besim se mjetet do të destinohen drejtë.

Bëhuni pjesë e sondazheve tjera – shkarkoni aplikacionin Pyper (iOS)

Bëhuni pjesë e sondazheve tjera – shkarkoni aplikacionin Pyper (Android)

Rezultatet e detajuara të sondazhit të Pyper