Trajneri i Manchester Unitedit, Ole Gunnar Solskjaer po planifikon të shesë tre mbrojtës këtë verë.
Sipas mediumit The Mirror, Solskjaer është gati të largojë përfundimisht nga skuadra Phil Jones, Chris Smalling dhe Marcos Rojo këtë verë.
Djajtë e Kuq po presin një verë të ngjeshur, me Ed Woodward të vendosur për të mbështetur Solskjaer në afatin e verës, por së pari duhet të bëhen disa largime.
Jones ka bërë vetëm dy paraqitje në Ligën Premier nën trajnerin norvegjez këtë sezon dhe vlerësohet i tepërt me kërkesat.
Smalling dhe Rojo, ndërkohë, u dërguan në huazim këtë sezon dhe në verë largimi pritet të jetë i sigurt.
Qendërmbrojtësi anglez ka bërë përshtypje te Roma, me Smalling që luajti 21 ndeshje si titullar dhe ai pritet të mbetet në Serie A.
Sa për Rojo, 30-vjeçari ka bërë vetëm një paraqitje për Estudiantes në Argjentinë që prej largimit të Old Trafford dhe duhet të gjej një klub të ri. /Telegrafi/