Sokoli: Nuk kemi forcë për më shumë, vështirë se do të vazhdojmë bashkëpunimin pas janarit

Vllaznia e Pozhoranit ka pësuar edhe një humbje të radhës ku kësaj radhe pësoi 3-0 nga Drita.

Skuadra e inkuadruar për herë të parë në histori të tyre në Superligë nuk ka arritur të grumbullojë më shumë se pesë pikë në 17 javët e para.

Pas humbjes nga Drita, trajneri i Vllaznisë, Bylbyl Sokoli ka thënë se ekipi i tij nuk ka forcë të bëjë më shumë.

“Pësuam gola shumë naive. Kemi pritur një ndeshje të vështirë. Kemi synuar që ta mbulojnë Kastriot Rexhën dhe një lojtar i joni ka qenë në detyrë, por dështuam”.

“Është vështirë që të përcaktohet një strategji që të luhet 90-të minuta. Ekipi jonë pati forcë që të luajë 45 minuta. Kështu ka ndodh edhe në ndeshjet e kaluara”.

“Nuk kemi forcë që ta përballojmë presionin e kundërshtarit që vazhdimisht sulmon. Në vend që ne ta dënojmë kundërshtarin, ne tërhiqemi. Kjo ndodh për shkak të faktorëve, fizik, psikologjik dhe tekniko-taktik”, ka thënë Bylbyl Sokoli.

Krejt në fund Sokoli ka thënë se nuk beson se do të vazhdojë të drejtoj Vllazninë pas janarit.

“Marrëveshja ka qenë deri në janar. Të shoh me miqtë e me në klub se çka do të bëjmë. Nuk besoj se do të vazhdojmë, por mos të flasim tashmë pas ndeshjes”.

“Dalja nga kriza është e mundur. Qëllimi ka qenë të nxjerrët maksimumi nga ekipi jemi përpjekur të gjithë”, ka thënë Bylbyl Sokoli. /Telegrafi/