Skandaloze: Kosova kurrë s’i ka hapur temat e luftës në dialogun e Brukselit (Video)

Që nga fillimi i dialogut me Serbinë, delegacioni i Kosovës asnjëherë s’e ka pasur si temë të diskutimit çështjen e kompensimit të dëmeve të luftës.

E një gjë e tillë nuk pritet të ndodhë edhe për një kohë. Ndonëse ka deklaruar se Kosova do të kërkojë kompensim për dëmet njerëzore, dëmet materiale, kulturore, si dhe dëme të tjera, ministrja për Dialog, Edita Tahiri, ka thënë për KTV-në se në këtë fazë të dialogut nuk mund të diskutohet për këtë temë.

Tahiri shpreson se ky proces do të kryhet në favor të Kosovës.

Por, Bekim Blakaj, nga Fondi për të Drejtën Humanitare, ka theksuar se institucionet e Kosovës nuk kanë bërë asgjë sa i përket dokumentimit të fakteve të ngjarjeve që kanë ndodhur në luftën e fundit, përcjell koha.net.

Blakaj ka shtuar se kjo iniciativë e Qeverisë së Kosovës është e vonuar.

E këtë çështje ditët e fundit e ka përmendur edhe kryeministri Isa Mustafa si çështje, siç është shprehur kryeministri, “të rëndësisë së madhe për vendin”.

https://vimeo.com/158657070