”Most”: Sistemi jofunksional, shkaktari për dyshime në listën zgjedhore

Sipas asociacionit qytetarë ”Most”, Komisioni Shtetëror Zgjedhor (KSHZ) nuk do të mund që të pastrojë listën zgjedhore pa bashkëpunimin me institucionet tjera përgjegjëse për transferimin e të dhënave për listën zgjedhore, transmeton Telegrafi Maqedoni.

Sipas ”Most”, gjendja e tanishme është pasojë e sistemit jofunksional me procedura precize dhe alokime përgjegjësie që lë hapësirë për keqpërdorime.

Në lidhje me adresat ku janë të regjistruar shumë persona, ”Most” thotë se institucionet përkatëse duhet që të gjejnë mënyrë të përshtatshme se si t’i fshijnë njerëzit nga lista zgjedhore, për të cilët do të vërtetohet se janë paraqitur si banues dhe kanë letërnjoftim në mënyrë të paligjshme, e gjith kjo pasi të jenë kryer verifikimiet në terren.

Duke apeluar te qytetarët që të paraqesin çfarëdo lloj parregullsie në linjën 080-080-080, ”Most” thotë se KSHZ-ja duhet të përcaktojë se si do të trajtohen rastet me adresat dhe dokumentacionet të fituara në mënyrë joligjore./Telegrafi/