Sipas ekspertit austriak të shëndetësisë, numri i të infektuarve me COVID-19 në Kosovë është dhjetë herë më i lartë

Udhëheqësi i  Departamentit për Mjekësi Humane brenda Agjencisë austriake për Siguri të Ushqimit, Franz Allerberg, duke se nuk u beson të dhënave zyrtare sa i përket gjendjes epidemiologjike në Ballkan, duke pretenduar se bëhet fjalë për numër shumë më të madh të prekurve (dhjetë herë më të lartë­­).

Siç raporton Heute austriake, Allerberger beson se në vendet siç janë Bullgaria dhe Kosova, shkalla e të infektuarve me COVID-19 arrin deri në 50 për qind, transmeton Telegrafi.

“Banorët e Wuhanit apo Ischiglit kanë pasur këtë shkallë të infektimit”, ka deklaruar drejtori i AGES-it për agjencinë APA.

Studimet kanë treguar se 43 për qind e banorëve të qendrës së skijimit Ischiglit, që në Austri konsiderohet si vatra më e madhe e coronavirusit, kanë zhvilluar antitrupa në virus, që deri më tani është konfirmuar si përqindja më e madhe.

Sipas të dhënave të organizatës Complexity Science Huba (CSH) më seli në Vjenë, pas hapjes së kufijve qeveria austriake ka paralajmëruar qytetarët për vendet e Ballkanit. Paralajmërimi vjen për Serbinë, Malin e Zi, Shqipërinë, Maqedoninë e Veriut, Bosnje dhe Hercegovinën si dhe Kosovën.

Gjithashtu sipas CSH, në Bullgari deri më tani janë regjistruar 10.400 raste me COVID-19, 45 mijë në Rumani, 23.700 në Serbi, 10 mijë në Maqedoninë e Veriut dhe Bosnje dhe Hercegovinë, 7.100 në Kosovë, 4.800 në Shqipëri si dhe 2.800 në Mal të Zi.

Vendet e Ballkanit Perëndimor, Austria akoma i konsideron vende me rrezikshmëri të lartë për shkak të numrit të madh të rasteve të reja me COVID-19, dhe për këtë arsye është ende në fuqi ndalimi i hyrjes në Austri për qytetarët e këtyre vendeve. /Telegrafi/