Sindroma “Liza në Botën e çudirave” e lidhur me migrenën, infeksionet dhe epilepsinë

Çfarë është në të vërtetë dhe sa e rrezikshme është kjo gjendje neuropsikologjike?

Një numër i madh njerëzish në mbarë botën përjetojnë simptoma të një gjendjeje të veçantë të njohur si Sindroma e Lizës në Botën e çudirave.

Emrin e ka marrë nga heroina e Lewis Carroll, e cila u rrit pasi hëngri një kërpudhë.

Sindroma e Lizës në Botën e çudirave ndikon në mënyrën se si njerëzit e perceptojnë botën përreth tyre dhe mund të shtrembërojë mënyrën se si ata i perceptojnë trupat e tyre dhe hapësirën përreth tyre.

Njerëzit që vuajnë nga kjo patologji mund të shohin se objektet dhe fytyrat e njerëzve përreth tyre rriten, ose zvogëlohen në mënyrë dramatike, në një mënyrë madje të frikshme.

Kjo simptomë është vetëm një nga 40 llojet e shtrembërimeve vizuale karakteristike për sindromën.

Disa pacientë gjithashtu tregojnë se shohin pjesë të ndryshme të trupit të ‘shtuara’ tek njerëzit përpara tyre. Mund të shikojnë për shembull krahët e ngjitur me fytyrat. Simptoma të tjera përfshijnë shikimin e njerëzve ose objekteve që lëvizin në lëvizje të ngadaltë, ose duke lëvizur shpejt në mënyrë të panatyrshme.

Sëmundja sulmon edhe sistemin e dëgjimit. Të prekurit mund të dëgjojnë të dashurit duke folur jashtëzakonisht ngadalë, ose shumë shpejt, citon Business Magazine.

Ka nga ata që hedhin hipoteza se vetë autorja mund të ketë marrë frymëzim, për historinë e treguar në Liza në Botën e çudirave, nga shtrembërimet perceptive, ndoshta të shkaktuara nga aurat e migrenës. Të tjerë kanë sugjeruar se Carroll mund të ketë vuajtur nga sindroma, e shkaktuar nga epilepsia, abuzimi me substancat apo edhe një infeksion.

Shkaqet e sakta të sindromës janë ende të mbuluara me mister. Disa thonë se kushte të veçanta si goditjet në tru, tumoret e trurit, aneurizmat, infeksionet virale, epilepsia, migrena, sëmundjet e syve dhe çrregullimet psikiatrike si depresioni dhe skizofrenia përcaktojnë zhvillimin e tyre.

Rreth 30% e adoleshentëve raportojnë përvoja të lehta ose kalimtare të sindromës. Disa ilaçe kundër kollës dhe substanca të paligjshme halucinogjene gjithashtu mund ta shkaktojnë atë.

Në shumicën e rasteve, siç sugjeron hulumtimi, sindroma e Lizës në Botën e çudirave tenton të zgjidhet vetë me kalimin e kohës, megjithatë, ndonjëherë simptomat mund të përsëriten. Megjithatë, nevojiten më shumë kërkime për të hedhur dritë mbi këtë patologji misterioze. /Telegrafi/