Simulohet meçi mes Mike Tyson dhe Jake Paul, parashikohet përfundimi brutal me nokaut mahnitës

Legjenda e boksit, Lennox Lewis ndau një simulim brutal të meçit të Mike Tyson kundër Jake Paul – duke përfunduar me një nokaut shkatërrues.

Youtube-ri i kthyer në boksier dhe boksieri legjendar i peshave të rënda do të përplasen në një meç të diskutueshëm më 20 korrik në Teksas.

Dhe sigurisht që do të jetë një betejë e rinisë së Paul kundër përvojës së Tyson, duke i lënë fansat të ndarë.

Megjithë hendekun 30-vjeçar të moshës, intriga ka rrethuar luftën për të gjitha moshat, madje edhe ish-kundërshtari i Tyson, Lewis.

Lexo po ashtu Shpejtësia e grushteve të Mike Tyson para duelit me Jake Paul ka bërë që fansat të flasin

Lewis – kampioni i fundit i padiskutueshëm i boksit në peshën e rëndë – ndau një simulim të meçit me pamjet e lojërave video të UFC.

Tyson – një personazh i njohur në lojë – përballet me një Paul të bërë me porosi dhe egërsisht e rrëzon atë me grushtin e tij të parë.

View this post on Instagram

A post shared by Lennox Lewis, MBE, CBE, CM (@mrlennoxlewis)

Dhe fansat e ‘Iron Mike’ shpresojnë që të jetë një paraqitje e shkurtër sikurse ky simulim.

“Lutem që të jetë pikërisht kështu”, “Kjo është ajo që unë po shpresoj” dhe “Pothuajse ajo që ne të gjithë shpresojmë”, ishin disa nga komentet e fansave.

“Nuk jam i sigurt se si do të shkojë, por mund të jetë diçka e tillë”, tha vetë Lewis.

Tyson, 57 vjeç, doli në pension në vitin 2005 vetëm për t’u rikthyer në 2020 për një ndeshje ekspozite kundër Roy Jones Jr, e cila përfundoi në një barazim pas tetë raundesh.

Ndërkohë Paul është me rezultat 9-1 si boksier dhe pësoi humbjen e tij të vetme ndaj Tommy Fury, 24 vjeç, në shkurt 2023 dhe që atëherë ka fituar tre meçe tjera. /Telegrafi/