Simovski: Bullgaria nuk mund të marrë formular nga regjistrimi

Mos u mundoni ta hakoni bazën e të dhënave, pasi do të jeni subjekt i sanksioneve. Ne i kemi të gjitha kriteret për mbrojtje, tha drejtori i Entit Shtetëror të Statistikave, Apostull Simovski.

Ai tha se deri më sot janë regjistruar 18.000 persona përmes aplikacionit online.

“Askush nga jashtë nuk ka qasje në bazën e të dhënave, as kompania që bëri aplikacionin, as dikush tjetër përveç meje. Edhe brenda institucionit ekziston protokoll i rreptë që mund të hyjë në këto baza të të dhënave. Këta janë njerëz që kanë certifikata dhe të cilët janë kontrolluar më parë”, tha Simovski.

Simovski tha se Bullgaria, si dhe vendet e tjera, kishin kërkuar më parë formularë për individët për të parë se si ata deklarohen në regjistrim të veçantë, por tha se të dhëna të tilla nuk duhet të jepen.

“Askush nuk mund të marrë formular se si është deklaruar, të dhënat nuk duhet të jepen publikisht dhe që vlen për të gjitha vendet në botë. As nuk ka marrë, as nuk do të marrë, as nuk ka të drejtë të marrë. As ne nuk kemi të drejtë të japim informacion të tillë”, tha Simovski./Telegrafi/