Simeone: Atletico ose Milani, kushdo që e meriton do të kualifikohet

Diego Simeone mbetet ‘i sigurt’ se Atletico Madrid mund të vazhdojë tutje në raundit tjetër të Ligës së Kampionëve edhe pas humbjes në shtëpi ndaj Milanit.

Junior Messias erdhi nga bankina për të vendosur ndeshjen me një goditje me kokë për golin e fitores 1-0 në Wanda Metropolitano.

“Nuk jam dakord që ishte një paraqitje e keqe dhe nuk kam asgjë për të qortuar skuadrën”, këmbënguli fillimisht Simeone në konferencën pas ndeshjes.

Lexo po ashtu Pioli pas fitores ndaj Atleticos: Milani luajti me cilësi, guxim dhe pjekuri

“Të dyja skuadrat u përpoqën të sulmonin në pjesën e parë, ne dolëm mirë në mbrojtje dhe në sulm nuk bënim gjithmonë zgjedhjet e duhura, por e njëjta gjë vlen edhe për Milanin”.

“Ne patëm një shans të madh për të barazuar me Matheus Cunha, i cili doli jashtë kuadratit”.

Nëse Milani mund Liverpoolin tashmë të kualifikuar, atëherë Atletico rrezikon të eliminohet nga Liga e Kampionëve në fazën e grupeve.

Lexo po ashtu Çfarë i duhet Milanit për t'u kualifikuar në mesin e 16-të më të mirave në Ligën e Kampionëve – nga fitoret dhe golat deri te ndeshjet e ndërsjella e kartonët

“Ne kemi pasur sezone më të ashpra, ndaj vazhdoj të jem optimist dhe i sigurt. Nuk mund të ikësh me asgjë në Ligën e Kampionëve, ne kemi ende çdo mundësi për t’u kualifikuar. Kush e meriton do kalojë”.

“Unë jam optimist si kurrë më parë. Jemi gjallë dhe shkelmojmë”, përfundoi trajneri i Atleticos. /Telegrafi/