Si të mirëmbani qilimat gjatë ditëve të ftohta: Dy hile të thjeshta që do t’i mbajnë të pastra dhe me aromë të mirë

Me gjithë përpjekjet tuaja për ta mbajtur shtëpinë të pastër, herët a vonë, qilimi do të bëhet një “viktimë” e njollave dhe e papastërtisë

Për fat të mirë, ka hile që do të ndihmojnë qilimat tuaj të jenë të freskët dhe të pastër, transmeton Telegrafi.

1. Pastrimi me sodë buke dhe uthull

Hidhni sodë buke në qilim për të “nxjerrë” papastërtitë dhe për të hequr aromat e pakëndshme. Merrni një leckë pambuku, njomeni në uthull, pastaj fshijeni të gjithë qilimin dhe lëreni për 15 minuta.

Soda do të heqë aromat e pakëndshme dhe mbetjet e pluhurit, ndërsa uthulla do të dezinfektojë qilimin dhe do të rifreskojë ngjyrat.

Pastaj vetëm pastroni qilimin me fshesë me korrent për të marrë mbetjet e sodës dhe do të shkëlqejë sikur sapo e keni blerë.

2. Boraksi dhe vaji esencial

Për një qilim të pastër që ka aromë për shijen tuaj, përzieni 100 ml boraks dhe 15 pika vaj esencial që preferoni.

Furçën e qilimit zhyteni në boraks dhe pastroni qilimin. Lëreni të qëndrojë për të paktën gjysmë ore, pastaj pastrojeni qilimin tërësisht.

Në të njëjtën mënyrë, ju mund të kujdeseni edhe për cohët e leshta në shtëpi.

/Telegrafi/