Shtypja ideale e gjakut është 120, por a e dini sa është i rrezikshëm?

Shtypja optimale e gjakut është 120 me 80, por sa është e larta?

Sipas qëndrimeve më të reja shtypje e lartë e gjakut ekziston kur vlerat e shtypjes sistolike janë më të larta apo të njëjta 140 mmHg dhe/ose kur vlerat e shtypjes diastolike janë më të larta apo të barabarta 90 mmHg.

Këto vlera duhet të merren në tri matje të njëpasnjëshme përkatëse gjatë një deri në tri javë, transmeton Telegrafi.

Pra, vlerat e shtypjes së gjakut nën 100/60 mmHg shënojnë hipotensionin apo shtypjen e ulët të gjakut.

Shtypje optimale e gjakut konsiderohet kur sistolet janë më të ulëta se 120 mmHg dhe ato diastole nga 80 mmHg.

Normale është nga 120 deri në 129 mmHg dhe diastolet nga 80 deri në 84 mmHg.

E lartë është kur vlerat sistole janë prej 130 deri në 139 mmHg dhe diastole nga 85 deri në 89 mmHg.

Hipertensionin e fazës së parë e shënojnë vlerat e sipërme nga 140 deri në 159 mmHg të ultë nga 90 deri në 99 mmHg.

Faza e dytë është nga 160 deri në 179 mmHg dhe nga 100 deri në 109 mmHg, ndërkaq hipertensioni i rëndë ka vlerat prej 180 mmHg ose më shumë dhe shtypja diastolike prej 110 ose më shumë. /Telegrafi/