Shtëpia botuese “Dukagjini” po prezantohet në Panairin e Librit në Leipzig me nëntë tituj

Nën moton “Fjalët lëvizin botët”, është hapur Panairi i Librit në Leipzig 2025.

Gjatë tri ditëve sa zgjat panairi, Biblioteka Kombëtare e Kosovës do të prezantojë veprimtarinë e autorëve të shquar kosovarë, duke promovuar kulturën dhe krijimtarinë letrare nga Kosova në arenën ndërkombëtare.

Nga 100 tituj sa janë përzgjedhur për t’u ekspozuar në panair, nëntë prej tyre janë të shtëpisë botuese “Dukagjini”:

“Agimet e kaltra”, Qamil Batalli;

“Vjersha”, Agim Deva;

“Medaljoni”, Rrahman Dedaj;

“Udhëtimi i pikëpyetjes” (tregime të zgjedhura), Ymer Elshani;

“Amanete zemre”, Enver Petrovci;

“Idioma”, Kujtim Shala;

“Racak the story of a war crime”, William G. Walker;

“Gjermania dhe Kosova: Historia e një partneriteti”, Enrico Seewald & Urs Unkauf; dhe

“Refleksione mbi muzikën”, Rafet Rudi.

Duke i sjellë këto vepra para një audience ndërkombëtare, Kosova jo vetëm forcon praninë e saj letrare në Evropë, por edhe nxit dialogun, shkëmbimin dhe bashkëpunimin mes autorëve, botuesve dhe lexuesve.

Biblioteka Kombëtare, pos titujve të librave, do t’u ofrojë vizitorëve edhe katalogë të autorëve shqiptarë nga Kosova, broshura të titujve të ekspozuar, si dhe materiale të tjera ekspozuese.

Për vizitorët e interesuar, stenda e Bibliotekës Kombëtare të Kosovës ndodhet në: Hall 4, Stand D410.