Shtatë tërmetet më të fuqishme që kanë goditur Kosovën

Një tërmet me pasoja fatale ka goditur Shqipërinë, ku deri më tani ka lënë të vdekur 39 persona dhe qindra të lënduar.

Madje tërmeti kanë qenë aq i fuqishëm, saqë dridhjet janë dëgjuar edhe në Kosovë dhe tetë shtete të tjera, por ndonëse dridhjet janë ndier edhe në Kosovë, ato nuk kanë shkaktuar ndonjë dëm material.

Gjithsesi, Kosova nuk është ndonjë vend që “u ka shpëtuar” tërmeteve, përkundrazi. Së paku kjo mund të thuhet për dekadat e fundit, për të cilat ekzistojnë disa të dhëna të tregojnë se Kosova është përballur edhe me një sërë tërmetesh të fuqishme.

Në raportin “Mikrozonimi Sizmik i Gjilanit”, i cili është hartuar nga Ministria e Zhvillimit Ekonomik, thuhet se janë shtatë tërmete më të fuqishme që e kanë goditur Kosovën.

Lexo po ashtu Vazhdon rritja e numrit të viktimave nga tërmeti në Shqipëri, deri tani 41 persona kanë humbur jetën

Raporti thotë se tërmeti i 1921-së që ka ndodhur në Ferizaj dhe Viti në epiqendër kishte intensitet prej nëntë ballësh, apo 6.1 shkallë Rihter.

Tërmeti i fundit që kishte intensitet të lartë ishte ai i Istogut i ndodhur në vitin 2010, i cili kishte magnitudë momentale prej 5.2 ballësh.

“Tërmeti i Prizrenit, 16 qershor 1456 (MS=6.0; 42.200oN, 20.700oE) me intensitet në epiqendër VIII ballë (Sulstarova et al., 2005), tërmeti i Pejës, 11 nëntor 1662 (MW=6.0; 42.700oN; 20.300oE) me intensitet nw epiqendër VIII ballë (Sulstarova et al., 2005; Papazachos et al., 2000), tërmeti i Ferizajt, 26 shkurt 1755 (M=6.1; 42.500oN; 21.900oE) me intensitet në epiqendër IX ballë (Elezaj, 2002), tërmeti i Ferizaj-Vitisë, 10 gusht 1921 (ML=6.1; 42.300oN; 21.300oE) me intensitet në epiqendër IX ballë (Elezaj, 2002), tërmeti i Kopaonikut, 18 maj 1980 (MW=5.7; 43.307oN; 20.867oE) me intensitet në epiqendër VIII ballë (Harvard University, 1980; Elezaj, 2002), tërmeti i Gjilanit, 24 prill 2002 (MW=5.7; 42.440°E, 21.590°N), me intensitet në epiqendër 8 ballë (ISC 2002, Elezaj 2002) dhe tërmeti i Istogut, 10 mars 2010 (MW=5.2; 42.76344N; 20.62811E) me intensitet në epiqendër VII ballë (ISK Nazmi Hasi, Shemsi Mustafa)”, thuhet në raport, shkruan Telegrafi.

Lexo po ashtu Tërmet i fuqishëm në Tiranë, banorët në panik

Ndryshe, edhe më 21 shtator një tërmet prej 5.8 ballësh kishte goditur Tiranën dhe Durrësin, i cili, përveç dëmeve materiale ka shkaktuar edhe dhjetëra të lënduar. /Telegrafi/