Shtatë mënyra që ai të mos humb interesimin ndaj jush

Sigurohuni që ai nuk do të humb interesin ndaj jush me këto këshilla.

1- Jini spontane

Pasi të keni kaluar disa kohë bashkë, ju do të bini pre e një rutine të caktuar. Do e shihni njëri-tjetrin në ditë të caktuara, do të shkoni në restorante të njëjta dhe do të dilni me njerëz të caktuar. Ndonëse nuk ka asgjë të keqe të kesh një rutinë, ju duhet herë pas here ta thyeni atë. Surprizojeni partnerin me rezervime në një restorant në një tjetër qytet ose blijini bileta për një shfaqje në qytetin tuaj. Bëni çfarë të jetë e nevojshme për ta habitur atë.

2- Kujdesuni për pamjen tuaj

Nuk ju duhet të vendosni grim çdo mëngjes dhe të nxirrni nga dollapi të gjitha rrobat që keni. Megjithatë, ju duhet që herë pas here të visheni këndshëm për të. Blini të brendshme ose një fustan të ri që atij t’i mbeten sytë aty. Nëse jeni me mashkullin e duhur, ai do të bëjë të njëjtën gjë duke blerë për veten atë që ju dëshironi.

3- Mos ndaloni së mësuari

Kjo është thelbësore, jo vetëm për marrëdhënien tuaj, por për ju. Nëse keni qenë me një mashkull për disa vite dhe ai nuk ka çfarë të mësoj më për ju, atëherë provoni gjëra të reja. Bëhuni pjesë e një kursi ose ndërmerrni një udhëtim. Në këtë mënyrë, ju do të shijoni jetën bashkë dhe njëkohësisht do të keni gjëra të reja për të mësuar për njëri-tjetri.

4- Mbani grupin tuaj të miqve

Mos e lejoni partnerin të jetë gjithë jeta juaj. Nëse ai e sheh që ju keni mjaft miq, që dua të kalojnë kohë me ju, ai do të kuptojë sesa me fat është që ju ka dhe nuk do të humbasë interesin. Ja pse është e rëndësishme të organizoni kohën tuaj sepse është mirë të keni një jetë sociale që nuk përfshin mashkullin tuaj.

5- Vazhdoni takimet

Nëse silleni si një çift i vjetër i mërzitshëm, atëherë do të filloni të ndjeni të njëjtën gjë. Ja pse duhet të vazhdoni të organizoni takime mes jush. Do t’ju japë ju mundësinë të visheni bukur, të shfaqeni bashkë në publik dhe të flirtoni gjatë bisedave. Nëse dëshironi që marrëdhënia juaj të vazhdojë të jetë interesante, ju duhet të veproni si të ishin ende në muajt e mjaltit, ndonëse jeni bashkë prej vitesh.

6- Jepini atij atë që dëshiron

Ju nuk jeni skllavja e tij por megjithatë ai nuk do të humbë interesin ndaj jush nëse e surprizoni gjithmonë, duke bërë diçka speciale. Nëse e dini që i adhuron ëmbëlsirat, merrini një të tillë para se të shkoni në shtëpi. Nëse e dini se ai urren të hedhë plehrat, bëjeni ju për të nëse ka pasur një ditë të keqe.

7- Mos humbisni asnjëherë interesin ndaj tij

Nëse nuk doni që ai të humb interesin ndaj jush, atëherë mos e humbisni as ju ndaj tij. Nëse jeni të dy të lumtur duke qenë të përfshirë në jetët e njëri-tjetrit, atëherë nuk ka asnjë problem. Do të jeni gjithmonë të lumtur kur të kaloni kohën bashkë. /Telegrafi/