Suedia ishte ‘viktima’ e radhës e Cristiano Ronaldos. Superylli portugez ia shënoi dy gola kësaj përfaqësueseje në fitoren e të martës mbrëma, të vlefshme për Ligën e Kombeve.
Në këtë mënyrë, 35-vjeçari e ngriti në 101 numrin e golave që i ka shënuar me kombëtaren e Portugalisë.
Për më shumë, gjatë karrierës së tij mbresëlënëse, Ronaldo u ka shënuar gola 41 përfaqësueseve të ndryshme.
(Foto: Linnea Rheborg/Getty Images/Guliver)
Mirëpo, janë pesë përfaqësuese ndaj të cilave, ai ka luajtur se paku tri herë dhe nuk u ka shënuar gol.
Në mesin e këtyre kombëtareve është edhe Shqipëria. CR7 ka luajtur plot katër herë kundër kuqezinjve, mirëpo asnjëherë nuk e ka gjetur rrjetën.
(Foto: Clive Rose/Getty Images/Guliver)
Franca (4), Gjermania (4), Brazili (3) dhe Anglia (3), janë përfaqësueset tjera ndaj të cilave Ronaldo ka luajtur së paku tri herë dhe nuk ka arritur t’u shënojë gol. /Telegrafi/
