Shoqata e Futbollistëve të Kosovës kërkon ndalimin e kampionatit

Shoqata për Mbrojtjen e të Drejtave të Futbollistëve të Kosovës (SHMDFK) ka kërkuar nga organet drejtuese shtetërore dhe të futbollit që ta shqyrtojnë ndalimin e aktiviteteve futbollistike.

Qeveria e Kosovës të mërkurën ka marr masa mbrojtëse ndaj coronavitusit, duke vendosur që të gjitha aktivitet sportive përkohësisht të zhvillohen pa tifozë.

Pasi që Qeveria ka marr masa për disa nivele, me kërkesë të ministres së Kulturës, Rinisë dhe Sportit, Vlora Dumoshi, kjo ndalesë është vendosur edhe për tifozët.

Megjithatë, SHMDFK ka kërkuar që të shqyrtohet ndalimi i aktiviteteve futbollistike për të evituar rreziqet eventuale nga virusi.

Postimi pa ndërhyrje i SHMDFK

KOMUNIKATË

Shoqata për Mbrojtjen e të Drejtave të Futbollistëve të Kosovës përkrah fuqishëm vendimin e marrë nga Qeveria e Republikës së Kosovës për masat parandaluese me qëllim të mbrojtjes nga COVID-19. SHMDFK poashtu vlerëson si tejet të rëndësishme masat e ndërmarra nga Ministria e Kulturës, Rinisë dhe Sportit për aktivitetet sportive, zhvillimi i të cilave duhet të bëhet pa praninë e publikut. Në vijim të pikës 5 të vendimit të Qeverisë, neve i bëjmë thirrje Federatës së Futbolllit të Kosovës, klubeve të futbollit dhe të gjithë futbollistëve të ligave të futbollit në Kosovë, që në bashkëpunim të ngushtë me institucionet gjegjëse qeveritare të sipërpërmendura, të shqyrtojnë seriozisht edhe ndalimin e aktiviteteve futbollistike për të evituar rreziqet eventuale nga virusi në fjalë.

Nisur nga fakti se siguria e shëndetit personal, familjar dhe mbarë komunitetit është e rëndësisë parësore dhe duhet mbrojtur përmes ndërgjegjësimit të vazhdueshëm, aplikimit të masave të nevojshme parandaluese, dhe me të gjithë mekanizmat e mundshëm shtetëror në dispozicion, por edhe SHMDFK inkurajon ndalimin e secilit aktivitet futbollistik deri sa të vlerësohet se nuk ekziston rreziku nga ky virus.

Përfundimisht, shqetësimet e futbollistëve anëtarë të shoqatës tonë janë të qarta rreth vazhdimit të garave, dhe kjo na bën të përkrahim edhe më fuqishëm të drejtën e rekomandimit për ndalimin e kampionatit deri në për një afat të caktuar me mundësi të ndryshimit sipas vlerësimeve adekuate të ekspertëve shëndetësor. Situata në të cilën ndodhemi, ndonëse fatmirësisht jo shqetësuese dhe as afërsisht me nivelet e vendeve të tjera të Evropës dhe botës në përgjithësi, megjithatë meriton vëmendje të plotë në aspekt të aftësisë që ka për tu zhviluar shpejtë. Prandaj, të gjitha rekomandimet tona dhe vendimet e mundshme nga autoritetet përkatëse kërkojnë vlerësim të vazhdueshëm dhe vëmendje të plotë drejt zbatimit strikt të vendimeve aktuale dhe atyre të mundshme në ditët dhe javët në vijim.

Me nderime,

Bordi i SHMDFK

/Telegrafi/

Këshilla si të mbrohemi nga Coronavirusi:

Si duhet pastruar duart në mënyrë efikase: