Shkupi dhe Sarajeva nënshkruajnë “marrëveshje për vllazërim”

Kryetarët e Bashkive të Shkupit dhe të Sarajevës, Petre Shilegov dhe Abdullah Skaka, sot nënshkruan “marrëveshje për vëllazërim”.

Shilegov pas nënshkrimit th se kjo marrëveshje paraqet kurorëzim të një procesi i cili zhvillohej gjatë një viti, përcjell Telegrafi Maqedoni.

Ai shprehu falënderim edhe për ambasadoren e BeH-së në Maqedoni, Lepa Babiq e cila ka investuar shumë në këtë proces.

“Mund të realizojmë bashkëpunim serioz pasi që edhe Shkupi edhe Sarajeva kanë probleme të njëjta apo të ngjashme si ndotja, urbanizmi, infrastruktura,… Tashmë e kemi inicuar një marrëveshje për këmbimin e përvojave midis ndërmarrjeve publike për transport të Shkupit dhe të Sarajevës në pjesën e eksploatimit të teleferikëve, këmbimit të përvojave në komunikacion”, potencoi Shilegov.

Kryebashkiaku Skaka i dëshiroi punë të suksesshme Shilegovit dhe theksoi se ky është fillim i ri për bashkëpunim midis Sarajevës dhe Shkupit.

Ai potencoi se Shkupi është qyteti i parë i ish – Jugosllavisë me të cilin vëllazërohen dhe shtoi se edhe Shkupi edhe Sarajeva e kultivojnë multietnicitetin. Në nënshkrimin e Marrëveshjes mori pjesë një delegacion nga Sarajeva dhe këshilltarë të të dyja qyteteve./Telegrafi/