Shkon në katër numri i nxënësve të vdekur pas të shtënave me armë në Michigan

Ka shkuar në katër numri i nxënësve të vrarë pas të shtënave me armë zjarri në një shkollë në Michigan të SHBA-së.

Justin Shilling nuk ka mundur t’i mbijetojë plagëve të marra pas të shtënave me armë zjarri, megjithëse ishte dërguar në një spital.

CNN raporton djaloshi 17-vjeçar vdiq rreth orës 10 të mëngjesit (sipas kohës lokale amerikane), duke e shtuar numrin e të vdekurve në katër persona.

Gjersa autoritetet kanë bërë të ditur gjatë ditës se tre të vrarët e tjerë ishin Hana St Juliana, 14 vjeç, Madisyn Baldwin, 17 vjeç dhe Tate Myre, 16 vjeç, transmeton Telegrafi.

Kujtojmë se së fundi është publikuar një video teksa shfaq momentin kur nxënësit shihen duke u strukur gjersa një person i armatosur 15-vjeçar, i cili e identifikoi veten si zëvendës i një sherifi qëlloi për vdekje nxënësit në një shkollë të mesme në Michigan, duke plagosur shtatë të tjerë, përfshirë një mësues.

Lexo po ashtu Publikohet momenti kur djaloshi që vrau tre prej tyre u përpoq të joshte nxënësit në një shkollë në Michigan që të dilnin nga klasa e mbyllur

Presidenti amerikan Joe Biden u përgjigj ndaj incidentit me të shtëna të martën pasdite, duke thënë se “zemra ime është me familjet që durojnë pikëllimin e paimagjinueshëm të humbjes së një njeriu të dashur”.

Ndryshe, sulmuesi i dyshuar, u arrestua brenda pesë minutave nga telefonata fillestare, tha policia dhe shtoi se një oficer në vendngjarje ndihmoi në kapjen e tij. /Telegrafi/