Shkencëtarët zbulojnë nëse rekordi botëror i Usain Bolt në 100 metra do të thyhet ndonjëherë

Shkencëtarët kanë zbuluar nëse besojnë se rekordi i pabesueshëm botëror i 100 metrave të Usain Bolt do të thyhet ndonjëherë.

Xhamajkani mban rekordin botëror që nga viti 2008, kur shënoi një kohë prej 9.72 sekondash në një takim të Çmimit të Madh në Nju Jork.

Bolt më pas shkoi më shpejt në Lojërat Olimpike të Pekinit 2008, duke vrapuar me një kohë prej 9.69 në finalen e 100 metrave.

Por Bolt nuk u ndal me kaq, duke bërë një rezultat të bujshëm 9.58 në Kampionatin Botëror të Atletikës 2009 në Berlin.

Ndoshta çuditërisht, ky rekord nuk i është afruar thyerjes nga një atlet tjetër, me kohën e fitores së finales së Noah Lyles në 100 metra prej 9.79 që qëndron si më e mira e tij personale, por ende 0.16 sekonda prapa kohës së fitores së Bolt në Londër 2012.

Asnjë sprinter tjetër nuk ka vrapuar një kohë nën 9.70 që nga viti 2012, me rivalët e mëdhenj të Bolt, Tyson Gay dhe Yohan Blake që të dy vrapuan në 9.69 sekonda në 2009 dhe 2012 respektivisht.

Lexo po ashtu Usain Bolt nuk hezitoi kur përmendi se cilin futbollist do të kishte dashur të garonte në kulmin e tij të karrierës

Vetë xhamajkani tha për Obi One Podcast muajin e kaluar se ai nuk e parashikonte thyerjen e rekordit të tij botëror nga brezi aktual i vrapuesve.

Shkencëtarët Polly McGuigan dhe Aki Salo teorizuan se rekordi i Bolt mund të thyhet në të ardhmen dhe besojnë se një kohë prej 100 metrash nën nëntë sekonda mund të jetë e mundur të arrihet.

“Një kombinim i gjenetikës dhe stërvitjes do të duhej të prodhonte muskuj të këmbës dhe kofshës, të cilët janë pak më të fortë dhe më të shpejtë se sa sprinterët më të mirë aktualë”, kanë thënë ata.

“Një muskul me një proporcion të lartë të fibrave muskulore të mëdha dhe të shpejta do të jetë në gjendje të gjenerojë sasi më të mëdha të forcës më shpejt se një muskul me një proporcion më të ulët”.

“Është e sigurt të thuhet se dikush do të thyejë barrierën e nëntë sekondave – jo domosdoshmërisht gjatë jetës sonë, por do të ndodhë një ditë”, shtuan më tej dy shkencëtarët. /Telegrafi/