Shkencëtarët kanë zbuluar sesi rigjenerohet kërci

Për shkak të dëmtimit të kërcit, për shumë pacientë takimet ditore, dhe madje edhe ecja është një pengesë e pakapërcyeshme dhe e dhimbshme

Deri në kohët e fundit, është konsideruar e pamundur rikuperimi i tij, por shkencëtarët amerikanë kanë lansuar rezultatet e një studimi që hedh poshtë atë mendim, i cili me siguri do të hapë rrugë të reja për trajtimin e osteoartritit.

Edhe pse është menduar e kundërta deri më tani, kërci në trupin e njeriut ende mund të rigjenerohet, sipas hulumtimit të shkencëtarëve të Universitetit Duke.

Padyshim që këto janë kapacitete të kufizuara, por të mjaftueshme për të siguruar një pikënisje për gjetjen e mënyrave të reja për trajtimin e osteoartritit.

Mendimi deri më tani bazohej në mungesën e gjakut në kërce të nyjave, gjë që e bëri të pamundur rikuperimin e tij, transmeton KosovaPress.

Sidoqoftë, sipas të dhënave të reja, një rol kryesor në procesin e rigjenerimit nuk është gjaku, por një proces molekular i ngjashëm me atë të përdorur nga disa hardhuca për të rikthyer gjymtyrët e humbura.

Ky proces është më efektiv në nyje, më pak në gjunjë dhe më së paku në ije, thonë shkencëtarët.