Shkencëtarët arrijnë të kthejnë shikimin tek minjtë

Një kurë për verbërinë mund të jetë në horizont – pasi humbja e shikimit u rikthye tek minjë. Shkencëtarët arritën këtë duke kthyer orët e qelizave të syve me një koktej proteinash.

Kjo është hera e parë që indet komplekse janë ‘ri programuar’ në një moshë më të hershme, shkruan Metro.co.uk.

Provat klinike janë planifikuar brenda dy viteve. Teknika novatore pritet të funksionojë te njerëzit dhe mund të pushtojë sëmundje të tjera nervore – përfshirë demencën, transmeton Telegrafi.

Ai hedh dritë të re mbi mekanizmat që qëndrojnë pas plakjes – duke treguar një synim terapeutik për një mori kushtesh. Autori dhe profesori David Sinclair, një ekspert në plakjen, tha: Studimi ynë tregon se është e mundur të kthehet në mënyrë të sigurt mosha e indeve komplekse siç është retina dhe të rivendoset funksioni i saj biologjik rinor.

Në MB, ka pothuajse dy milionë njerëz që jetojnë me humbje të shikimit, nga të cilët rreth 360,000 janë regjistruar si të verbër.

Ekipi në Harvard Medical School në Boston përdori një virus të padëmshëm për të dhënë tri gjene në retinat e brejtësve laboratorik me glaukoma – shkaku më i zakonshëm i verbëri të njeriut. Të njohur si Oct4, Sox2 dhe Klf4, janë lloje të proteinave të quajtura faktorë transkriptimi që ndizen gjatë zhvillimit embrional. Procedura gjithashtu funksionoi në mënyrë të ngjashme në minjtë e moshuar me shikim të zbehur për shkak të plakjes normale.

Rezultatet e botuara në ‘Nature’ hapin derën për të hartuar trajtime për një sërë sëmundjesh dhe çrregullimesh.

Profesor Sinclair dhe kolegët e tij synuan qelizat në sistemin nervor qendror pasi është pjesa e parë e trupit e prekur nga plakja. Pas lindjes, aftësia e tij për t’u rigjeneruar bie shpejt.

Autori kryesor Dr Yuancheng Lu, gjithashtu nga Harvardi, tha: ‘Në fillim të këtij projekti, shumë nga kolegët tanë thanë se qasja jonë do të dështonte ose do të ishte shumë e rrezikshme për t’u përdorur ndonjëherë. ‘Rezultatet tona sugjerojnë që kjo metodë është e sigurt dhe potencialisht mund të revolucionarizojë trajtimin e syrit dhe shumë organeve të tjera të prekura nga plakja.’ Në minjtë me glaukomë, ajo rrit aktivitetin elektrik të qelizave nervore dhe shikimin e mprehur. Ata mund të shihnin më mirë linjat vertikale në ekran – edhe pasi tashmë kishte ndodhur humbja e shikimit

Globalisht, ka rreth 285 milion njerëz me shikim të dobët, nga të cilët 39 milion janë të verbër. /Telegrafi/