Shkatërrohet grupi që merrej me trafikimin e imigrantëve, arrestohen 10 persona në Maqedoni

Ministra e Punëve të Brendshme njofton se janë arrestuar 10 persona ndërsa janë parashtruar kallëzime penale për gjithsej 17 persona të përfshirë në trafikim ndërkombëtarë të imigrantëve.

Nga MPB shtojnë se të njëjtit kanë marrë nga 2000 deri në 4000 euro për person gjatë transportit të imigrantëve në shtetet e BE-së.

“Ky grup kriminal ndërkombëtar drejtohej nga M.I., S.M., Zh.K., D.D. dhe S.P., ku fillimisht kanë siguruar automjete nga agjencitë për marrjen me qira të makinave nga Shkupi, Kumanova, Tetova dhe Bullgaria, e më pas kanë angazhuar “shoferë” dhe “pastrues ë terrenit” për pranimin dhe transportin e imigrantëve.

Nga ana e organizatorëve, përmes takimeve personale në lokacione të paracaktuara në Serbi dhe Hungari, si dhe përmes aplikacioneve mobile, “shoferëve” dhe “pastruesve”, si dhe organizatorëve nga Serbia dhe Hungaria, u është dërguar vendndodhjen e saktë për pranimin e imigrantëve të paligjshëm. Nga këto lokacione, imigrantët janë marrë nga S.I., M.D., K.Zh., A.T., S.S., SH.G, N.M, N.M. dhe M.M. të cilët janë punësuar si “shofer” dhe “pastrues”.

Të njëjtët persona punësonin herë pas here persona të tjerë si shoferë për të pranuar imigrantët”, thonë nga MPB.