Shkatërrohet banda e grabitësve në Spanjë, arrestohet shqiptari i dënuar për vrasje

Garda Civile ka shkatërruar një bandë që kishte grabitur një disa shtëpi në Mallorca. Agjentët kanë arrestuar tre persona me origjinë shqiptare, bullgare dhe marokene dhe kanë gjetur një kasafortë të vjedhur nga një shtëpi në Marratxí, 50 orë dhe xhevahire të shumta.

Të dyshuarit janë sjellë para drejtësisë këtë të premte. Njëri prej tyre kishte vuajtur një dënim me 17 vjet burg për vrasjen me thikë të një burri në Londër në vitin 2004.

Kriminelët kryen grabitje në shtëpi në Marratxí, Port d’Andratx, Palma, Calvià dhe Cala Rajada, ndër vende të tjera. Grupi kryente grabitje në shtëpi të banuara dhe griste kasaforta nga muri. Më 27 nëntor, në lagjen Son Ramonell të Marratxí, hajdutët morën orë, para, bizhuteri dhe sende të tjera personale.

Sipas medias spanjolle shqiptari të cilit i është ndaluar hyrja në disa vende evropiane për incidente të ngjashme, kaloi 17 vjet burg për vrasjen me thikë të bashkëatdhetarit të tij në një festë me 400 të ftuar në veri të Londrës. Grupi i shpërbërë, sipas Gardës Civile, “kishte planifikuar në mënyrë të përsosur një fushatë grabitjesh për Krishtlindje” në shtëpitë në Mallorca, duke përfituar nga udhëtimet e pronarëve në këto data.

Hetuesit kanë gjetur një kasafortë të vjedhur në Marratxí, si dhe 50 ora, bizhuteri të shumta, telefona celularë dhe rreth 3500 euro para në dorë . Efektet janë njohur praktikisht në tërësinë e tyre nga ankuesit që shkuan në Komandën e Palmës për t’i rikuperuar ato./Euronews Albania