Shiten të gjitha biletat për derbin e Italisë mes Interit dhe Juves, vendoset rekord i ri përfitimesh në futbollin italian

Derbi i Italisë mes Interit dhe Juventusit ka thyer gjitha rekordet e vendosura më parë në futbollin italian, teksa stadiumi do të jetë i stërmbushur.  

Interi dhe Juventusi njihen si dy skuadrat me rivalitetin më të madh në futbollin italian, marrë parasysh edhe historitë e dy klubeve.

Nerazzurrët dhe Bianconerët kanë një histori rivaliteti dhe urrejtje qysh në fillet e themelimit të tyre, teksa ky rivalitet ka bërë që ndeshja mes tyre të njihet si “Derby d’Italia” apo derbi i Italisë.

Lexo po ashtu Orsato, gjykon ndeshjen Inter – Juventus

Derbi i Italisë gjithmonë ka sjell emocione të mëdha, gola, kacafytje e gjithçka tjetër dhe i tillë pritet të jetë edhe i ardhshmi i kësaj fundjave.

Giuseppe Meazza është arena, e cila do ta mirëpret derbin e Italisë të vlefshëm për javën e 35-të të Serie A, ndeshje që zhvillohet të shtunën nga ora 20:45.

🙌 | With #InterJuventus set to see 78,328 in attendance, the match is now sold out!

Gate receipts of over €5 million have set a new record for Italian football.

Thanks #InterFans! 👏#ForzaInter ⚫️🔵 pic.twitter.com/NOlvMxyF87

— Inter ⭐⭐ (@Inter_en) April 26, 2018

Ky takim do të jetë i rëndësishëm për të dyja skuadrat, me Juventusin që synon titullin kampion, ndërsa Interi një vend që i dërgon në Ligën e Kampionëve.

Lexo po ashtu Inter – Juventus, sërish thyhen rekorde nga shitja e biletave

Rëndësia e madhe e ndeshjes ka bërë që të shiten të gjitha biletat, me plot 78,328 të pranishëm që priten të jenë në stadium duke vendosur rekord shikueshmërie.

Ky derbi gjithashtu ka vendosur edhe një rekord të ri për futbollin italian me mbi pesë milionë euro përfitime nga Nerazzurrët. /Telegrafi/