LAJMI I FUNDIT:

Shërbimet e inteligjencës britanike kërkonin vrasjen e kryeministrit irlandez Charles Haughey

Shërbimet e inteligjencës britanike kërkonin vrasjen e kryeministrit irlandez Charles Haughey

Një grup paramilitant i besimit protestant (anglikan) ishte urdhëruar nga shërbimet e brendshme të inteligjencës britanike (MI5) të vriste kryeministrin irlandez Charles Haughey, në fund të viteve ’80 të shekullit të kaluar.

Grupi i njohur si “Forca Vullnetare e Ulsterit” është një organizatë paramilitare e listuar në organizatat terroriste që operonte kryesisht në Irlandën e Veriut dhe kishte qëllim ruajtjen e unitetit territorial të Mbretërisë së Bashkuar kundër forcave të Ushtrisë Republikane Irlandeze (IRA – organizatë terroriste që ka vrarë zyrtarë dhe civilë britanikë në vitet 1970-80, në mënyrë që Londra të lejonte bashkimin e Irlandës së Veriut me Republikën e Irlandës. Grupi përbëhet nga fanatikë të besimit katolik).

Sipas informacioneve të publikuara ligjërisht pas 30 vitesh të mbajtura në arkivat shtetërore britanike, një oficer i shërbimit të inteligjencës me pseudonimin Alex Jones u afrua tek grupi dhe i dha adresën e shtëpisë së kryeministrit irlandez, targat e makinës dhe vendndodhjen e jahtit të tij, duke e inkurajuar këtë grup paramilitar që ta vriste.


Por, grupi i cili ishte kritik ndaj “lojërave të pista” të inteligjencës që nuk punonte hapur në mbrojtje të luftës anti-republikane, ndoshta edhe për faktin se ata renditeshin në listën e “grupeve terroriste” nga forcat e ruajtjes së rendit, nuk e pranuan këtë detyrë dhe i dërguan një letër kryeministrit irlandez ku e lajmëronin për këtë qëllim të shtetit britanik.

“Na kanë urdhëruar të të ekzekutojmë. Ne e kemi refuzuar ta bëjmë këtë dhe nuk mbajmë përgjegjësi nëse diçka të ndodh ty. Nuk jemi dakord me ato që po bën, por ne nuk do të luajmë lojërat e pista të Departamenteve të fshehta”, shkruhej në letrën e dërguar nga paramilitarët për kryeministrin e atëhershëm irlandez në vitin 1987.

Menjëherë pas këtij paralajmërimi, kontrollet për eksplozivë dhe ruajtja fizike e kyreminsitrit u shtua së tepërmi në Irlandë. Zbulimi i kësaj dosjeje natyrisht që ngre shumë pikëpyetje për mënyrën sesi Londra ka menaxhuar konfliktin në Irlandën e Veriut dhe çfarë veprimesh sekrete janë ndërmarrë me qëllim fitimin e luftës. / tiranapost.al/

Në trend Botë

Më shumë
Moment i çuditshëm nga protesta në Beograd - rruga e mbushur me njerëz u zbraz në pak sekonda

Moment i çuditshëm nga protesta në Beograd - rruga e mbushur me njerëz u zbraz në pak sekonda

Serbia
Protesta masive në Beograd - gjithçka ndodhi atje, MINUTË PAS MINUTE

Protesta masive në Beograd - gjithçka ndodhi atje, MINUTË PAS MINUTE

Herët e fundit që Ukraina dhe Rusia ranë dakord për një marrëveshje armëpushimi - çfarë shkoi keq?

Herët e fundit që Ukraina dhe Rusia ranë dakord për një marrëveshje armëpushimi - çfarë shkoi keq?

Botë
Dhjetëra mijëra njerëz në rrugët e Budapestit, rebelohen kundër Orbanit

Dhjetëra mijëra njerëz në rrugët e Budapestit, rebelohen kundër Orbanit

Evropa
Pamjet e aeroplanit të djegur të American Airlines tregojnë se pasagjerët kanë bërë një gabim të madh

Pamjet e aeroplanit të djegur të American Airlines tregojnë se pasagjerët kanë bërë një gabim të madh

Botë
Donald Trump nis sulme kundër rebelëve Houthi të Jemenit dhe lëshon një paralajmërim

Donald Trump nis sulme kundër rebelëve Houthi të Jemenit dhe lëshon një paralajmërim

Botë
Kalo në kategori