SHBA miraton shitjen e raketave me vlerë 380 milionë dollarë për Finlandën

Administrata e presidentit amerikan, Joe Biden miratoi një shitje prej 380 milionë dollarësh të raketave për Finlandën, vetëm disa ditë pasi miratoi një shitje të veçantë armësh prej 380 milionë dollarësh për kombin nordik.

Shitjet e mundshme të armëve vijnë pasi Finlanda, e cila ndan një kufi me Rusinë, kërkon të anëtarësohet në NATO, raporton cnn.

Sipas një shënimi nga Departamenti i Shtetit i SHBA-së, administrata informoi Kongresin të enjten se kishte miratuar shitjen e mundshme të raketave anti-ajrore Stinger dhe pajisjeve të lidhura me to.

“Është jetike për interesin kombëtar të SHBA-së që të ndihmohet Finlanda në zhvillimin dhe ruajtjen e një aftësie të fortë dhe të gatshme vetëmbrojtëse”, thuhej në shënim.

“Shitja e propozuar do të përmirësojë aftësitë mbrojtëse dhe parandaluese të Finlandës. Finlanda synon të përdorë këto artikuj dhe shërbime të mbrojtjes për të rritur stokun e saj kombëtar”, vazhdoi ai.

“Kjo platformë kritike do të forcojë aftësitë e mbrojtjes tokësore dhe ajrore në krahun verior të Evropës, duke mbështetur prioritetet kryesore të Komandës Evropiane të SHBA-së”, deklaroi i pari i shtetit amerikan.

Të hënën, administrata e informoi Kongresin për miratimin e saj për shitjen e mundshme të raketave taktike dhe Armëve të Përbashkët Stand Off. /Telegrafi/