Shawn Mendes anulon pjesën e mbetur të turneut botëror për shkak të shëndetit mendor

Shawn Mendes njoftoi të mërkurën në mëngjes (27 korrik) se po anulon pjesën tjetër të turneut të tij për të vazhduar pushimin e shëndetit mendor.

“Siç e dini më duhej të shtyja javët e fundit të shfaqjeve pasi nuk isha plotësisht i përgatitur plotësisht”, filloi deklaratën e tij në rrjetet sociale këngëtari i “Treat You Better”.

“E nisa këtë turne i emocionuar që më në fund të kthehesha performancave live pas një pauze të gjatë për shkak të pandemisë, por realiteti është se nuk isha aspak gati për sa i vështirë do të ishte turneu pas kësaj kohe larg”, tha artisti.

Mendes, 23 vjeç, tha se pasi foli me ekipin e tij dhe një “grup të jashtëzakonshëm profesionistësh shëndetësorë”, ata arritën në përfundimin se ai duhet të marrë kohën për t’u rikthyer më i fortë.

Këngëtari i “Lost in Japan”, i cili pranoi se i është zemërthyer nga vendimi, tha se shpreson të rifillojë datat e turneut të tij pas një “kohe shumë të nevojshme pushimi”, por ndërkohë do të vazhdojë të regjistrojë muzikë të re për fansat e tij.

“…Unë premtoj se do të kthehem sapo të kem marrë kohën e duhur për t’u shëruar”, përfundoi ai mesazhin e tij.

Lexo po ashtu Shawn Mendes njofton shtyrjen e turneut botëror për shkak të problemeve me shëndetin mendor

Kjo vjen disa javë pasi ai fillimisht njoftoi se po shtynte turneun e tij, të njohur si “Wonder: The World Tour”. Turneu i tij filloi në Portland në qershor dhe ishte planifikuar të vazhdonte deri në gusht 2023.

Mendes gjithashtu aludoi për problemet e tij për shëndetin mendor në prill, kur u tha fansave se e kishte të vështirë të tregonte të vërtetën për veten e tij. /Telergafi/

View this post on Instagram

A post shared by Shawn Mendes (@shawnmendes)