Xherdan Shaqiri në një rang me legjenda e futbollit botëror

Xherdan Shaqiri u shndërrua në protagonist kryesor me fanellën e Zvicrës në barazimin 1-1 kundër Skocisë, duke i bashkangjitur listës së lojtarëve evropianë që kanë shënuar 10 gola nga Kupa Botërore deri te Kampionati Evropian.

Lojtari nga Zhegra e Gjilanit i barazoi shifrat kur realizoi në minutën e 26-të një super gol nga distanca, por që më gola nuk pati për pjesën më të madhe të ndeshjes.

Shaqiri për më shumë vendosi edhe një rekord, duke u bërë lojtari i parë që realizon në gjashtë kampionate ndërkombëtare radhazi.

Lexo po ashtu Kthehet njeriu i super-golave: Xherdan Shaqiri “bombardon” Skocinë

Për më shumë, Xherdani e ka vendosur emrin në listë me disa legjenda të futbollit.

Në këtë listë figurojnë emra të njohur të futbollit si Karl–Heinz Rummenigge, Gary Lineker, Zinedine Zidane, Denis Bergkamp dhe Gerd Muller, dhe pa dyshim që nuk mund të mungojë Xherdan Shaqiri, lojtari i cili ka shfaqur performancë të lartë në evente të mëdha.

Natyrisht se Shaqiri mund të ndihet krenar për këtë arritje, pasi një emër si Cristiano Ronaldo nuk ka arritur të futet në këtë listë. /Telegrafi/