Shaqiri: Liverpooli ka mentalitetin e duhur në rrugën drejt suksesit

Ylli shqiptar Xherdan Shaqiri ka folur për faqen zyrtare të Liverpoolit, ku ka theksuar se klubi anglez ka mentalitetin e duhur për të arritur sukses.

Reprezentuesi zviceran fitoi tre kampionate me Baselin në Zvicër para se të fitonte edhe dy tituj tjerë të Bundesligës me Bayern Munichun.

Por, Shaqiri beson se edhe Liverpooli ka mentalitetin fitues sikurse Bavarezët dhe beson gjithashtu se kanë grupin e mirë të lojtarëve për të arritur deri te suksesi.

Lexo po ashtu Xherdan Shaqirit iu është rritur vlera për 40 milionë euro nga vera

“Kam luajtur në Gjermani dhe kam fituar tituj atje, kështu që unë kam përvojë prej saj”, ka thënë fillimisht Shaqiri për Liverpoolfc.com.

“Duhet të ketë një mentalitet fitues dhe lojtarët duhet të fokusohen”.

“Mendësia është e ngjashme edhe këtu. Ju duhet të shkoni në ndeshje duke u përpjekur për të fituar ato dhe për të dhënë gjithçka për të bërë këtë”.

“Unë jam goxha i sigurt me talentin që kemi në ekip, që mund të arrijmë shumë”.

Lexo po ashtu Shaqiri ia kishte bërë të qartë vëllait menaxher: Mos prano asnjë ofertë tjetër sepse dua të punoj me Kloppin

“Tani duhet të vazhdojmë fortë deri në fund, të punojmë shumë në stërvitje, t’i bëjmë ato mësime në ndeshje dhe të vazhdojmë përpara”.

“Ka shumë rrugë për të shkuar, por ne jemi në një mënyrë shumë të mirë për të qenë të suksesshëm”, përfundoi ylli shqiptar. /Telegrafi/