Herolind Shala është bërë me skuadër të re.
Mesfushori i Përfaqësueses së Kosovës, ka lënë ekipin danez Lyngby për t’iu bashkuar ati norvegjez Start.
Ka qenë vetë klubi dhe lojtari që kanë konfirmuar këtë transferim por që kohëzgjatja e kontratës dhe detajet financiare nuk janë bërë publike.
Shala ka thënë pas prezantimit te klubi se beson në projektin e Start dhe për këtë ka vendosur të nënshkruajë aty.
“Unë me të vërtetë besoj në projektin e madh këtu. Start është një skuadër e mirë dhe unë jam i emocionuar që do të luajë këtu”, tha Shala.
“Çfarë mund të bëni për Start këtë kampionat? Qëllimi im është të shënoj sa më shumë gola, edhe pse në fund tri pikët kanë rëndësi”, deklaroi Shala për faqen zyrtare të klubit.
Ish-anëtari i Sparta Pragë, Kasimpasa e Slovan Liberec është pritur mirë edhe nga trajneri i ekipit Kjetil Rekdal.
Rekdal ka thënë se i njeh mirë aftësitë e Shalës dhe kjo ka qenë arsyeja pse ka këmbëngulur për transferimin e tij. /Telegrafi/
