Sesa është e vështirë situata me pandeminë në Tunizi, tregon edhe ky rast: Drejtori i spitalit qan sepse nuk ka oksigjen për të sëmurët

Në rrjetet sociale është shfaqur një video e bërë në Tunizi, e cila tregon se sa e keqe është situata epidemiologjike në vendet arabe.

Video tregon drejtorin e spitalit publik lokal në Mateura, i cili filloi të qajë gjatë telefonatës në momentin kur mori informacionin se nuk do të merrte furnizime të reja me oksigjen mjekësor për pacientët e tij.

Tunizia, ku numri i të infektuarve ka thyer të gjitha rekordet, po përballet me një mungesë të përgjithshme të oksigjenit dhe prodhimi vendas nuk është në gjendje të vazhdojë me kërkesën e rritur ndjeshëm.

Në shumë spitale, rezervat po mbarojnë dhe janë të mjaftueshme për vetëm disa orë, që do të thotë vdekje pothuajse e sigurt për shumë pacientë që po luftojnë me pneumoni të shkaktuar nga coronavirusi.

Tunizia kështu po përballet me skenarin indian, kur qindra njerëz vdiqën për shkak të mungesës së përgjithshme të oksigjenit që pasoi ndikimin më të ashpër të valës së re në atë vend. /Telegrafi/

https://twitter.com/MedDhiaH/status/1416799972557824000