Serwer: Mendimi se SHBA-ja dhe BE-ja kanë arsye të zhgënjehen me Kurtin, është qesharak

Toby Vogel, bashkëpunëtor i Këshillit për Politikat e Demokratizimit nga Brukseli, ka hedhur kritika ndaj Shteteve të Bashkuara dhe Bashkimit Evropian lidhur me çështjen e sulmit terrorist në Banjskë, në shtator të vitit të kaluar.

Në një shkrim në platformën sociale “X”, Vogel theksoi se SHBA-a dhe BE-ja, janë duke e fshehur nën qilim rastin “Banjska”, për të vazhduar biznesin si zakonisht me presidentin serb, Aleksandar Vuçiq.

Këtë thotë Vogel e tregon ambasadori i BE-së në Kosovë.

“Nëse dikush kishte dyshime se SHBA-ja dhe BE-ja po bëjnë gjithçka që është në fuqinë e tyre për ta rrëshqitur Banjskën nën qilim dhe për të ndjekur biznesin si zakonisht me Vuçiqin, ja ambasadori i BE-së në Kosovë, përveçse e shpreh atë”, shkroi ai.

Lexo po ashtu Paralajmërimi i inteligjencës amerikane për dhunë ndëretnike, Serwer: Serbia është agresori kryesor në veri, e dimë të gjithë

Me këtë mendim është pajtuar edhe eksperti amerikan, Daniel Serwer.

Duke komentuar në postimin e ekspertit evropian, Vogel, ai tha se mendimi se SHBA-ja dhe BE-ja kanë arsye të zhgënjehen me kryeministrin Kurti, por ai nuk ka arsye të zhgënjehet me ta, është qesharake.

Kjo pasi, sipas tij, tani më shumë se kurrë është koha për një ndryshim në negociatorët.

“Ekipi aktual nuk ka arritur të krijojë as besim të ndërsjellë elementar në Prishtinë”, shprehet Serwer.

Mbajtja në liri e kriminelit Milan Radoiçiq

Zyrtarët shtetërorë të Kosovës kërkojnë vazhdimisht që Radoiçiq dhe vetë shteti serb të mbahen përgjegjës për sulmin në Banjskë, të cilin e konsiderojnë “terrorist”.

Më 13 mars, kryeministri i Kosovës, Albin Kurti, tha se Radoiçiq “është i lirë dhe i mbrojtur në Serbi e nga Serbia”.

“Milan Radoiciq është i lirë edhe i mbrojtur në Serbi dhe nga Serbia. Që nga 24 shtatori, ne kemi kërkuar të merren masa për agresionin e Serbisë ndaj Kosovës. Kemi kërkuar ekstradimin e terroristëve që vranë heroin e Kosovës, Afrim Bunjaku në Kosovë”, ka deklaruar ai para kabinetit qeveritar.

Kurti më tej ka theksuar se Serbia nuk është përballur me asnjë pasojë për sulmin terrorist, “ani pse përfshirja e saj direkt është bërë e njohur publikisht e botërisht”.

Lexo po ashtu Takimi me Escobarin, Kurti: Serbisë t’i kërkohet llogari për sulmin në Banjskë

Beogradi zyrtar, në anën tjetër, e mohon përfshirjen në këtë sulm.

Bashkimi Evropian edhe pse ende nuk kanë dhënë ndonjë verdikt përfundimtar për sulmin, zëdhënësi Peter Stano, ka deklaruar se qëndrimi i BE-së për Banjskën mbetet i pandryshuar.

Ai shtoi se se janë duke pritur  raportin përfundimtar të hetimeve.

“Qëndrimi i BE-së mbetet i pandryshuar. Ne po presim një raport përfundimtar zyrtar të hetimeve dhe pastaj do të shohim se si ta trajtojmë përgjegjësinë,” shtoi ai, duke lënë të hapur pyetjen se çfarë ndikimi mund të kenë këto zhvillime në të ardhmen e dialogut dhe në përfshirjen e BE-së në stabilizimin e rajonit./Telegrafi/